Realtime

Þegar við hófum Slate verkefnið sáum við fyrir okkur að búa til hugbúnað með innbyggðri samvinnugetu í rauntíma. Við leituðum að góðri lausn á markaðnum en fundum ekkert sem hentaði okkur. Því ákváðum við að búa til okkar eigin lausn. Strax í upphafi tókum við þá stefnu að þróa Realtime sem sjálfstæða vöru, svo að afraksturinn gæti nýst fleirum en bara Slate.

Þegar við hófumst handa við þróunarvinnuna kom fljótt í ljós hversu flókið það er að smíða hugbúnað sem vinnur í rauntíma. Við þurftum að leysa ýmis vandamál eins og að tryggja skalanleika, stýringar á gagnabreytingum, greiða úr gagna árekstrum og hanna reiknirit sem bregðast við í rauntíma. Til að skilja betur hversu viðamikið verkefni þetta er, er gott dæmi að líta til Figma. Þau þurftu heil tvö ár til að endurskrifa hugbúnaðinn sinn svo hann gæti unnið í rauntíma.

Við nefndum vöruna okkar „Realtime" og hönnuðum hana sem heildstæða lausn. Hún er samsett úr nokkrum hlutum; hugbúnaðarpakka sem er aðgengilegur á NPM undir nafninu @inrealtime/react, notendavænu stjórnborði fyrir áskriftir og notkunaryfirlit, ítarlegum leiðbeiningum og kjarna þjónustunnar. Bakendinn byggir á Cloudflare Durable Objects, sem er undirstaða öflugu rauntímavélarinnar okkar. Við erum gríðarlega stolt af Realtime, enda er lausnin bæði öflugri og þægilegri í notkun en aðrar sambærilegar lausnir á markaðnum. Þannig bjóðum við forriturum upp á framúrskarandi tól til að bæta rauntímaeiginleikum við forritin sín.