Slate

Slate er kerfi sem tengir saman rekstur fyrirtækja og hugbúnaðarumhverfi þeirra. Það greinir atburði í ýmsum hugbúnaðarkerfum og breytir þeim í sérsniðnar aðgerðir. Þannig geta starfsmenn án tækniþekkingar sjálfvirknivætt og bætt verkferla fyrirtækisins. Með notendavænu viðmóti Slate er auðvelt að setja saman flókin verkflæði, tímasetja aðgerðir og bregðast við atburðum í rauntíma. Kerfið vinnur með fjölda algengra hugbúnaðarlausna en styður einnig sérsniðnar lausnir.

Í hinu stafræna umhverfi eru fyrirtæki oft föst í ósveigjanlegum hugbúnaðarkerfum sem erfitt er að laga að breyttum aðstæðum án þess að leggja aukið álag á forritara. Slate leysir þennan vanda með því að gera starfsfólki, sem hefur ekki tæknilegan bakgrunn, kleift að sjálfvirknivæða flókin ferli í öllu tölvuumhverfi fyrirtækisins. Slate greinir atburði úr ýmsum kerfum - allt frá algengum hugbúnaði til sérsniðinna vefþjónusta - og umbreytir þeim í aðgerðir sem hægt er að laga að þörfum hvers og eins. Dæmi um slíkar lausnir eru uppfærsla á birgðastöðu eftir sölu, að senda persónuleg skilaboð til viðskiptavina þegar nýr reikningur berst eða bregðast við þegar nýr notandi skráir sig í inn. Þessi nálgun eykur ekki aðeins skilvirkni í rekstri, heldur opnar einnig á nýja möguleika til nýsköpunar og bættrar afkastagetu.

Við höfum staðið frammi fyrir ýmsum áskorunum við þróun Slate. Megináherslan hefur verið á að tryggja áreiðanlega rauntímavirkni (Realtime), sem gerir það að verkum að allar breytingar í tólinu birtast samstundis hjá öllum notendum. Við lögðum mikla vinnu í að hanna og þróa notendavænt viðmót sem gerir fólki án tækniþekkingar kleift að setja saman flóknar sjálfvirknilausnir. Einn af lykilþáttum tólsins er sérstakur textaritill sem byggir á svokölluðum blokkum (e. blocks). Þessi nálgun gerir notendum kleift að raða aðgerðum sínum að vild og laga þær að eigin þörfum. Ein stærsta tæknilega áskorunin var að búa til keyranlegan kóða út frá sjálfvirknilausnum notenda og koma honum fyrir í skýinu án vandkvæða. Þetta krafðist flókinna þýðingarferla og öflugrar tengingar við skýjaþjónustur. Við höfum einnig unnið að því að skapa samræmt útlit kerfisins, þróað sveigjanlegan grunn til að tengjast ytri þjónustum og tryggja að kerfið geti vaxið og dafnað með auknum fjölda notenda. Auk þess höfum við glímt við ýmsar aðrar áskoranir. Þar má nefna uppsetningu á greiðslu- og áskriftarkerfi, sem og gerð ítarlegra leiðbeininga fyrir notendur.

Við lögðum mikla alúð í að hanna aðlaðandi lendingarsíðu fyrir Slate. Í samvinnu við hönnuði Aranja tókst okkur að skapa fallegt og stílhreint útlit sem fellur vel að Slate vef-appinu. Okkur var umhugað um að finna gott jafnvægi milli upplýsingagjafar og sjónrænnar hönnunar. Þannig geta notendur fljótt áttað sig á kostum Slate, en um leið fengið áhuga á að kynna sér tólið betur. Lendingarsíðan þróast stöðugt með Slate og kynnir nýja eiginleika og fítusa tólsins á áhugaverðan og eftirminnilegan hátt.

Eftir fjárfestingu frá Aranja og mikla þróunarvinnu höfum við skapað vöru sem fer fram úr upphaflegum væntingum. Slate hefur þróast í öflugt og fjölhæft tól sem er tilbúið til að hafa veruleg áhrif. Við erum sannfærð um að Slate muni gera fyrirtækjum um allan heim kleift að einfalda rekstur sinn og samþætta betur viðskiptaþarfir og tæknilausnir.