TVÍK

TVÍK er stafrænn kennslu vettvangur sem kennir íslensku frá sjónarhorni þeirra sem hafa lært málið sem fullorðnir og náð góðum tökum á því. TVÍK býður upp á þriggja mánaða námskeið þar sem nemendur læra í gegnum daglegar aðstæður, svo sem að fara í veislu eða aka um landið. Þannig þróast kunnátta þeirra smám saman frá einföldum setningum yfir í að geta tekið þátt í eðlilegum samræðum. TVÍK hlaut Sprota frá Tækniþróunarsjóði Rannís, sem leiddi til samstarfs við okkur. Megináherslan var lögð á að þróa öflugt vefumsjónarkerfi, sérstaklega hannað fyrir tungumálakennslu. Kerfið gerir TVÍK kleift að vinna með námsefnið sjálfstætt án tæknilegrar aðstoðar. Þau geta búið til ýmsar gerðir námsefnis - allt frá orðaforðaæfingum til samtalstengdra verkefna - og uppfært efnið eftir þörfum, byggt á endurgjöf nemenda. Þessi sveigjanleiki gerir þeim kleift að bæta stöðugt við nýju efni og þróa kennsluna áfram.