Realtime

Þegar við hófum Slate verkefnið, áttuðum við okkur á því að við vildum smíða þann hugbúnað með innbyggðum rauntíma samvinnu eiginleikum svo fólk gæti unnið saman í rauntíma. Við fundum ekki neina góða vöru á markaði sem mætti okkar þörfum og því var tekin ákvörðun um að smíða þá lausn sjálf. Við ákváðum frá upphafi að smíða Realtime sem sjálfstæða vöru svo að afurð hennar gæti nýst öðrum en einungis Slate.

Við komumst fljótt að því að rauntíma hugbúnaðarlausnum fylgja ákveðin flækjustig eins og skölun, úrskurði á gagnabreytingum, rauntíma algrím og fleira. Sem dæmi tók það Figma um tvö ár að endurskrifa sinn hugbúnað til að innihalda rauntímavirkni vegna flækjustigs.

Afurðin ber nafnið Realtime og er í formi hugbúnaðarpakkans @inrealtime/react, veftólsins Realtime sem leyfir notendum að greiða fyrir lausnina og sjá notkunar-tölfræði, skjölunarsíðu Realtime og að lokum þjónustuna sjálfa sem byggði á skýjalausnum Cloudflare Durable Objects og inniheldur rauntíma-vélina sjálfa. Við erum verulega stollt af þessari afurð þar sem hún er talsvert öflugri og einfaldari í notkun en allar aðrar lausnir sem fyrirfinnast á sama markaði.