Veftól Slate

Í ársbyrjun 2020 hófust smíði á umfangsmiklu hugbúnaðarkerfi sem myndi koma til með að gjörbreyta hvernig forritarar smíða hugbúnaðarkerfi. Eftir fjölmargar ítranir, nokkrar stefnubreytingar og margra ára vinnu var afurðin Slate gefin út.

Slate er tól sem er hannað til að straumlínulaga og hámarka hagkvæmni við rekstur fyrirtækja með því að veita fólki sem er ekki tæknimenntað meira aðgengi að sínu hugbúnaðarumhverfi. Slate tekur við atburðum sem eiga sér stað innan hugbúnaðar umhverfi fyrirtækja og breytir þeim í aðgerðir. Atburðir geta verið allt frá “sala átti sér stað” eða “reikningur greiddur” til “staðfesting á móttöku póstsendingar” eða “nýr notandi stofnaður”. Slate býður notendum að framkvæma fjölbreyttar aðgerðir við móttöku atburða, eins og að senda sjálfvirk svör frá þjónustufulltrúum eða uppfæra birgðastöðu í rauntíma. Með notendavænu viðmóti leyfir Slate notendum að ráða flækjustigi aðgerða og jafnvel keyra aðgerðir í framtíðinni. Með stuðningi við umhverfi eins og Slack, Postmark, Twilio, OpenAI og sérsniðnar vefþjónustur, uppfyllir Slate ólíkar kröfur notenda. Slate brúar bilið á milli tæknilegrar virkni og hagnýtra viðskiptaferla og eykur þar með afkastagetu, sköpunargleði og viðbragðstíma í rekstri fyrirtækja.

Við höfum unnið okkur í gegnum ótal margar áskoranir við uppbyggingu Slate. Þá má nefna rauntíma-eiginleika (Realtime), hönnun og notendaupplifun viðmótsins, tengingar við utanaðkomandi þjónustur, skölun, skjölun, gagnagrunns hönnunar-viðmót, greiðsluferli og margt margt fleira.

Eftir fjármögnun frá Aranja og ótal margar klukkustundir af forritun getum við sagt að við erum virkilega stollt af afurðinni. Slate er gríðarlega öflugt veftól og við erum sannfærðir um að varan mun koma til með að efla og hjálpa fyrirtækjum um allan heim við þróun og notkun hugbúnaðarkerfa.